VITRIARII

VITRIARII

seu VITRARII, Graece Υ῾αλουργοὶ, memorantur Aelio Lampridio in Alexandro Seu. c. 24. Braccariorum, Linteonum, Vitrariorum, Pellionum --- et coeterarum artuum vectigal pulcherrimum instituit, ex eoque iussit thermas —— populi usibus exhiberi. Habuêre illi vicum suum Romae, in regione prima, portâ Capenâ, ut docet Sextus Russus in descript. Urbis. Nempe coniunctim habitârunt, sicut et alii Opifices. Namque, ut probe Marlianus, Topogr. Antiq. Rom. observat, M. Varro Figulos quoque4 uno in loco coniunctim habitâsse indicat, cum dicit, Venerem Myrteam fuisse inter Figulos. Sandaliarii Vici, supra meminimus, sic dicti, non tam quod Apollinis effigies, quae ibi dedicata fuerat, sandaliis esset ornata; quam quod in eo sandaliorum sive calceorum Opifices habitarent. Idem de Sutoribus clare colligitur ex Plinio, l. 10. c. 43. etc. Balduinus de Calceo, c. 7. Admirandarum vitrearum operarii, occurrunt apud Sugerium de Adm. sua, c. 29. Vitri factores vocat Beda de Wiremuth. Monast. l. 1. c. 5. Misit legatos in Galliam, qui vitri factores, artifices videlicet Britannis eatenus incognitos, ad cancellandas Ecclesiae porticuumque et cenaculorum eius fenestras adducerent. Cuiusmodi (lapidearum et) vitrearum fenestrarum Artifices primus omnium in Angliam ascivisse Wigfridus Episcopus Wigorniensis legitur, apud Thomam Stubbs in Actis Pontificum Eborac. sub A. C. 726. apud Carolum du Fresne, Glossarie. Vide plura hîc infra.